" />
عن تجربته مع محمد رمضان
تحدث شحاتة مطولاً عن تجربته الأخيرة مع الفنان محمد رمضان، واصفًا إياها بـ"العظيمة". وقال: «التجربة
عظيمة استفدت منها جدًا، وتعلمت كتير جدًا من أستاذ محمد رمضان وأستاذ محمد العظيم وأستاذ
محمد دياب. التيزر كان مبهر، تعبنا جدًا في الفيلم وقعدنا سنة وشوية بنصور فيه، وكان واضح إن فيه
إنتاج ضخم، بس انبهرت لما شفت التيزر».
وأضاف عن تعامله المباشر مع رمضان: «من ساعة ما إحنا في التصوير وهو بيشجع وكان مبسوط،
وبيسمع مني، وساعات بقوله: إيه رأيك نعمل كذا؟ ويتبسط… وما حسّيتش خالص بالإيجو بتاع النجوم.
بصراحة استغربت الهالة اللي حواليه في الميديا… هو جدع وابن ناس وحسّاس وطيب جدًا».
كشف مصطفى شحاتة عن مشاركته في فيلم "بنات فاتن" للمخرج محمد نادر، قائلاً: «الفيلم بطولة
مشتركة بيني وبين هدى المفتي، وأستاذة يسرا العظيمة، وأستاذ باسم سمرة. العمل بيتكلم عن
قصة حب بين نها وهلال، وبيناقش تعامل والدة هدى—اللي هي يسرا—مع الموضوع، وفيه جوانب
اجتماعية بين العائلتين».
وأشار إلى مشاركته السابقة في فيلم سعودي بعنوان "سلمى وقمر"، مؤكدًا رغبته القوية في تثبيت
حضوره داخل الصناعة المصرية: «حابب أكون موجود في الصناعة المصرية… لأنها بالنسبة لي أعظم
وأعرق صناعة سينما، ومصر بلد الفن».
واختتم حديثه بالإشارة إلى مشاريع جديدة قيد التحضير مع المنتج أمجد أبو العيلة، قائلاً: «فيه حاجات
لسه ما أقدرش أتكلم عنها، إن شاء الله قريب».
....الموضوع الأصلي